താമരശ്ശേരി: വടികളും ഇരുമ്പു ദണ്ഡുകളുമായി മൂന്ന് ലീഗ് പ്രവര്‍ത്തകരെ താമരശ്ശേരി പൊലീസ് അറസ്റ്റ് ചെയ്തു. പെരുമ്പള്ളി കാപ്പാട്ടുമ്മല്‍ എ.പി. ഫായിസ് (18), അപ്പുറത്തുപൊയില്‍ ജയ്സൽ മുഹമ്മദ് (19), പുളിയാറക്കല്‍ മുഹമ്മദ് ആഷിഖ് (22) എന്നിവരാണ് പിടിയിലായത്. പുതുപ്പാടി മലോറത്ത് ബുധനാഴ്ച വൈകുന്നരം ലീഗ് പ്രതിഷേധ പ്രകടനത്തിന് തയാറെടുക്കുന്നതിനിടയിലാണ് എസ്.ഐ സായൂജ് കുമാറിെൻറ നേതൃത്വത്തിലുള്ള സംഘം ഇവെര പിടികൂടിയത്. കഴിഞ്ഞ ദിവസം മലോറത്ത് സി.പി.എം ലീഗ് സംഘര്‍ഷം ഉണ്ടായിരുന്നു. ഇതിെൻറ ഭാഗമായി ലീഗ് പ്രവര്‍ത്തകര്‍ പ്രകടനം നടത്താന്‍ ഒരുങ്ങുമ്പോഴാണ് വെണ്ടേക്കുംചാല്‍-നെരൂക്കുംചാലില്‍ റോഡിനോട് ചേര്‍ന്ന പറമ്പില്‍ ഇവര്‍ പിടിയിലായതെന്ന് പൊലീസ് പറഞ്ഞു. photo: MARAVADIYUM DANTUKALUM പൊലീസ് പിടിച്ചെടുത്ത ഇരുമ്പ് ദണ്ഠുകളും മരവടികളും
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.