കോഴിക്കോട്: ആണും പെണ്ണുമായും ഹിന്ദുവും മുസൽമാനുമായും ധനികനും ദരിദ്രനുമായും ശോഷിച്ചുപോകുന്ന ജീവിതങ്ങളെ സമകാലിക സാമൂഹിക രാഷ്ട്രീയ പരിസരത്ത് നോക്കിക്കാണുന്ന 'ഇരട്ടജീവിതം' സിനിമ പ്രദർശനം ചൊവ്വാഴ്ച. അദ്രമാൻ എന്ന ട്രാൻസ്ജെൻഡറിനെ സമൂഹവും പൊതുബോധവും നോക്കിക്കാണുന്നതെങ്ങനെയെന്ന് വരച്ചിട്ടിരിക്കുന്ന സിനിമയുടെ തിരക്കഥയും സംവിധാനവും നിർവഹിച്ചത് സുരേഷ് നാരായണനാണ്. മാനാഞ്ചിറ ടവറിലുള്ള ഓപൺ സ്ക്രീനിൽ ചൊവ്വാഴ്ച വൈകീട്ട് 5.30ന് സിനിമ പ്രദർശിപ്പിക്കും. മൂലകഥ അഹമദ് മുഈനുദ്ദീനും ഛായാഗ്രഹണം ഷഹനാദ് ജലാലും നിർവഹിച്ചു. നിർമാതാവ് എം.ജി. വിജയ് ആണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.