കോഴിക്കോട്: ജില്ല ഫുട്ബാള്‍ അസോസിയേഷെൻറ ആഭിമുഖ്യത്തില്‍ സംഘടിപ്പിക്കുന്ന ഡ്രോപ്‌സ് എ ഡിവിഷന്‍ ഫുട്ബാള്‍ ലീഗ് ചാമ്പ്യന്‍ഷിപ്പില്‍ തിങ്കളാഴ്ച നടന്ന ആദ്യമത്സരത്തില്‍ ദേവഗിരി സെൻറ് ജോസഫ്സ് കോളജ് എതിരില്ലാത്ത നാലു ഗോളുകള്‍ക്ക് ഫാല്‍ക്കണ്‍സ് ക്ലബിനെ പരാജയപ്പെടുത്തി. ദേവഗിരിക്കുവേണ്ടി ഒമ്പത്, 47 മിനിറ്റുകളില്‍ ഹിസാനുദ്ദീനും 58, 81 മിനിറ്റുകളില്‍ അനില്‍നാഥും ഇരട്ട ഗോളുകള്‍ വീതം സ്‌കോര്‍ ചെയ്തു. രണ്ടാമത്തെ മത്സരത്തില്‍ കുന്ദമംഗലം എഫ്.സി ഒന്നിനെതിരെ രണ്ടു ഗോളുകള്‍ക്ക് പെലോടണ്‍ സ്‌പോര്‍ട്‌സിനെ പരാജയപ്പെടുത്തി. കുന്ദമംഗലത്തിനുവേണ്ടി സുജിലും ഇര്‍ഷാദും ഗോളുകള്‍ സ്‌കോര്‍ ചെയ്തു. പെലോടണിനുവേണ്ടി ഡന്‍സില്‍ സലാം ഗോള്‍ നേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.