മേപ്പയൂർ: കോഴിക്കോട് ജില്ലയിലെ മികച്ച രണ്ടാമത്തെ കൃഷി ഓഫിസറായി മേപ്പയൂർ കൃഷി ഓഫിസർ സ്മിത നന്ദിനിയെ കൃഷിവകുപ്പ് തിരഞ്ഞെടുത്തു. പച്ചക്കറി വ്യാപന വികസന പദ്ധതികൾ വിജയകരമായി നടപ്പാക്കിയതാണ് അവാർഡിന് അർഹയാക്കിയത്. കൃഷിഭവൻ നേരിട്ട് അഞ്ച് ഹെക്ടറിൽ വിജയകരമായി പച്ചക്കറികൃഷി നടത്തിയത്, പഞ്ചായത്തിലെ സ്കൂളുകളിൽ വിദ്യാർഥികൾ നടത്തിയ ജൈവ പച്ചക്കറിക്ക് നൽകിയ പ്രോത്സാഹനം എന്നിവ മികച്ച പ്രവർത്തനങ്ങളായിരുന്നു. പതിറ്റാണ്ടുകളായി തരിശിട്ട കരുവോട് -കണ്ടംചിറയിൽ നെൽകൃഷിയിറക്കുന്നതിന് മേപ്പയൂർ ഗ്രാമപഞ്ചായത്ത് നടത്തിയ പ്രവർത്തനങ്ങളിലും സ്മിത നന്ദിനി മുഖ്യ പങ്കുവഹിച്ചിട്ടുണ്ട്. ഗ്രാമപഞ്ചായത്ത് വികസന സെമിനാറിൽ സ്മിത നന്ദിനിയെ അനുമോദിച്ചു. പ്രസിഡൻറ് പി.കെ. റീന പൊന്നാടയണിയിച്ചു. വൈസ് പ്രസിഡൻറ് കെ.ടി. രാജൻ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡൻറ് കെ. കുഞ്ഞിരാമൻ, യൂസഫ് കോറോത്ത്, ഇ. ശ്രീജയ, വി.പി. രമ, കെ.പി. അനിൽകുമാർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.