കൽപറ്റ: മൂന്നു വിമാനത്താവളങ്ങളിലെ കസ്റ്റംസ് അധികൃതരുടെ കണ്ണുവെട്ടിച്ച് കടത്തിയ സ്വർണവുമായി യുവാവ് പിടിയിൽ. മുത്തങ്ങ എക്സൈസ് ചെക്ക്പോസ്റ്റിൽ വാഹന പരിശോധനക്കിടെ 654 ഗ്രാം കുഴമ്പ് രൂപത്തിലുള്ള സ്വർണവുമായി താമരശ്ശേരി വാവാട് സ്വദേശി എം. മനാസാണ് (23) പിടിയിലായത്. ബുധനാഴ്ച രാത്രി 8.30ഓടെ ബംഗളൂരുവിൽനിന്നു തിരുവനന്തപുരത്തേക്കു വന്ന ആഡംബര ബസിൽനിന്നാണ് സ്വർണവുമായി മനാസിനെ പിടികൂടിയത്. ഇയാളുടെ അടിവസ്ത്രത്തില് പ്രത്യേകം തയാറാക്കിയ അറയിലാണ് കുഴമ്പു രൂപത്തിലാക്കിയ സ്വര്ണം ഒളിപ്പിച്ചിരുന്നത്. ഖത്തറില്നിന്നു വിമാനമാര്ഗം ഗോവയിലെത്തി അവിടെനിന്നു ആഭ്യന്തര വിമാനമാര്ഗമാണ് യുവാവ് ബംഗളൂരുവിലെത്തിയത്. ബസിൽ താമരശ്ശേരിയിലേക്ക് വരുമ്പോഴാണ് പിടിയിലായത്. മനാസിനെയും പിടിച്ചെടുത്ത സ്വര്ണവും ബത്തേരി പൊലീസിന് കൈമാറി. എക്സൈസ് ഇന്സ്പെക്ടര് അമല്രാജന്, പി.ഇ.ഒമാരായ കെ.ബി. ബാബുരാജ്, എം.സി. ഷിജു, സി.ഇ.ഒമാരായ അരുണ്പ്രസാദ്, കെ. ജോണി എന്നിവരടങ്ങിയ സംഘമാണ് സ്വര്ണം പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.