കോഴിക്കോട്: രാഷ്ട്രീയ-മത സംഘടനകളിൽ മതതീവ്രവാദികൾ നുഴഞ്ഞുകയറുന്നുണ്ടോയെന്ന് പരിശോധന നടത്താൻ തയാറാകണമെന്ന് കെ.എൻ.എം വൈസ് പ്രസിഡൻറ് ഡോ. ഹുസൈൻ മടവൂർ. ഐ.എസ്.എം സംസ്ഥാന വെളിച്ചം കൺെവൻഷൻ കോഴിക്കോട്ട് ഉദ്ഘാടനം ചെയ്യുകയായിരുന്നു അദ്ദേഹം. മഹാരാജാസ് കോളജിലെ അഭിമന്യു വധം അത്യന്ത്യം അപലപനീയമാണ്. കാമ്പസിലെ ജനാധിപത്യശൂന്യത ചൂഷണംചെയ്ത് വളർന്നുവരുന്ന മതതീവ്രവാദികളെ തുരത്താൻ ഒന്നിച്ച് മുന്നേറണം. പള്ളി, മദ്റസ, മഹല്ലുകൾ, മറ്റു സ്ഥാപനങ്ങൾ എന്നിവയിൽ മതതീവ്രവാദികൾ നുഴഞ്ഞുകയറിയിട്ടുണ്ടോയെന്ന് പരിശോധിക്കണം. ഖുർആൻ മാനവരാശിയുടെ സമാധാനമാണ് ഉദ്ഘോഷിക്കുന്നത്. ഖുർആൻ ദുർവ്യാഖ്യാനിച്ച് വിഭാഗീയതക്ക് തെളിവ് നിർമിക്കുന്നവരെ കരുതിയിരിക്കണമെന്നും അദ്ദേഹം പറഞ്ഞു. ഐ.എസ്.എം പ്രസിഡൻറ് ഡോ. എ.ഐ. അബ്ദുൽ മജീദ് സ്വലാഹി അധ്യക്ഷത വഹിച്ചു. നിസാർ ഒളവണ്ണ, കെ.എം.എ അസീസ്, ശബീർ കൊടിയത്തൂർ, നാസർ മുണ്ടക്കയം, അനീസ് പുത്തൂർ, റഹ്മത്തുല്ല സ്വലാഹി തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.