പേരാമ്പ്ര: ചെമ്പ്ര റോഡിൽ തെങ്ങ് വീണ് ഗതാഗതം മുടങ്ങി. ഞായറാഴ്ച ഉച്ചക്ക് ശേഷമാണ് സംഭവം. പേരാമ്പ്രയിൽനിന്നും അസി. സ്‌റ്റേഷൻ ഓഫിസർ പി.കെ. ഭരതെൻറ നേതൃത്വത്തിലുള്ള സംഘം സ്ഥലത്തെത്തി തെങ്ങ് മുറിച്ചുമാറ്റി ഗതാഗതം പുനഃസ്ഥാപിച്ചു. തെങ്ങ് വൈദ്യുതി ലൈനിൽ വീണതിനെ തുടർന്ന് പ്രദേശത്ത് വൈദ്യുതി മുടങ്ങി. മരം വീണ് 10ഒാളം വൈദ്യുതി കാലുകൾ തകർന്നു പേരാമ്പ്ര: കാറ്റിലും മഴയിലും പുളിമരം കടപുഴകി കോടേരിച്ചാലിൽ പത്തോളം വൈദ്യുതി കാലുകൾ തകർന്നു. ഞായറാഴ്ച പുലർച്ചെ ആറുമണിയോടെയാണ് സംഭവം. കോടേരിച്ചാൽ -താഴെപ്പള്ളി റോഡിൽ കളരിയുള്ളത്തിൽ മനോജിെൻറ വീട്ടുപറമ്പിലെ മരമാണ് വൈദ്യുതി ലൈനിലേക്ക് വീണത്. ഈ റോഡിലൂടെയുള്ള ഗതാഗതവും ഏറെ നേരം മുടങ്ങി. പേരാമ്പ്രയിൽനിന്നുള്ള ഫയർഫോഴ്സും നാട്ടുകാരും ചേർന്നാണ് ഗതാഗത തടസ്സം നീക്കിയത്. വൈദ്യുതി പുനഃസ്ഥാപിക്കാൻ കെ.എസ്.ഇ.ബി അധികൃതർ ശ്രമക്കുകയാണ്. പൂർണമായും പുനഃസ്ഥാപിക്കാൻ മൂന്നുദിവസത്തോളമെടുക്കുമെന്ന് അധികൃതർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.