കൊയിലാണ്ടി: വിയ്യൂരില്‍ കനത്ത മഴയില്‍ വീട് തകര്‍ന്നു. കളത്തിന്‍കടവില്‍ കുനിവയല്‍ ദേവിയുടെ ഓടുമേഞ്ഞ വീടാണ് പൂര്‍ണമായും ഇടിഞ്ഞുവീണത്. പന്തലായനിയില്‍ ഗേള്‍സ് സ്‌കൂളിന് സമീപം പി.കെ. രഘുനാഥിെൻറ വീട്ടിലെ തെങ്ങും നിലംപൊത്തി. റോഡിനു കുറുകെവീണ തെങ്ങ് വൈദ്യുതി ലൈനുകളും തകര്‍ത്തു. വീട് തകർന്നു പേരാമ്പ്ര: വാല്യക്കോട് വീട് മഴയിൽ തകർന്നു. ഒറ്റക്ക് താമസിക്കുന്ന ആലക്കാട്ട് മീത്തൽ സൂപ്പിയുെട വീടാണ് തകർന്നത്. സൂപ്പി പരിക്കേൽക്കാതെ രക്ഷപ്പെട്ടു. ചുമരിെൻറ കല്ലുകൾ പുറത്തേക്ക് പതിച്ചതാണ് ഇയാൾക്ക് തുണയായത്. ഏറെക്കാലമായി സൂപ്പി ഒറ്റക്കാണ് താമസം. ഈ വീട്ടിൽ വൈദ്യുതിയോ, പ്രാഥമിക സൗകര്യങ്ങൾ നിർവഹിക്കാനുള്ള സൗകര്യമോ ഇല്ല. ഭാര്യയും മകനും വേറെയാണ് താമസം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.