ഭയപ്പെടുത്തി വിയോജിപ്പുകളെ ഇല്ലാതാക്കാമെന്നത് വ്യാമോഹം മാത്രം - -എ. റഹ്മത്തുന്നിസ കോഴിക്കോട്: ഭയപ്പെടുത്തിയും കൊലപ്പെടുത്തിയും വിയോജിപ്പുകളെ ഇല്ലാതാക്കാമെന്നത് സംഘ്പരിവാർ വ്യാമോഹം മാത്രമാണെന്ന് ജമാഅത്തെ ഇസ്ലാമി വനിത വിഭാഗം സംസ്ഥാന പ്രസിഡൻറ് എ. റഹ്മത്തുന്നിസ. പ്രമുഖ പത്രപ്രവര്ത്തക ഗൗരി ലങ്കേഷിെൻറ കൊലപാതകത്തില് പ്രതിഷേധിച്ച് എസ്.ഐ.ഒ, ജി.ഐ.ഒ സംഘടനകൾ കോഴിക്കോട് കടപ്പുറത്ത് സംഘടിപ്പിച്ച വിദ്യാർഥി കൂട്ടായ്മയില് സംസാരിക്കുകയായിരുന്നു അവർ. ഹിന്ദുത്വത്തിനെതിരെ സംസാരിച്ചും തൂലിക ചലിപ്പിച്ചുമാണ് ഗൗരി ലങ്കേഷ് സംഘ്പരിവാറിനെതിരെയുള്ള പോരാട്ടത്തില് തെൻറ ജീവിതം സമര്പ്പിച്ചതെന്ന് എസ്.ഐ.ഒ സംസ്ഥാന പ്രസിഡൻറ് സി.ടി. സുഹൈബ് അഭിപ്രായപ്പെട്ടു. ഒ. റിസാന, എസ്.ഐ.ഒ ജില്ല പ്രസിഡൻറ് ടി.പി. സാലിഹ്, വാഹിദ് കുന്ദമംഗലം എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.