െകാണ്ടോട്ടി: വ്യാജ ടിക്കറ്റുമായി കരിപ്പൂർ വിമാനത്താവളത്തിനകത്ത് പ്രവേശിച്ചയാൾ പിടിയിൽ. തലശ്ശേരി പെരിങ്ങത്തൂർ പുളിയനമ്പാറ െകാക്കരിയിൽ വീട്ടിൽ സവാദാണ് (30) പിടിയിലായത്. െവള്ളിയാഴ്ച രാവിലെ 9.30നാണ് സംഭവം. ഇയാൾ സഹോദരിയെയും മകളെയും കയറ്റിവിടുന്നതിന് വേണ്ടിയാണ് കരിപ്പൂരിൽ എത്തിയത്. ഇവർക്കൊപ്പം വ്യാജ ടിക്കറ്റുമായി ഇയാളും അകത്ത് കടക്കുകയായിരുന്നു. മറ്റൊരാളുടെ പേരിലുള്ള ടിക്കറ്റ് പ്രിൻറ് എടുത്തതിനുശേഷം ഇയാളുടെ പേര് ചേർക്കുകയായിരുന്നു. ടെർമിനലിൽനിന്ന് പുറത്തേക്ക് ഇറങ്ങുന്ന സമയത്താണ് സി.െഎ.എസ്.എഫ് പിടികൂടുന്നത്. തുടർന്ന് വ്യാജ ടിക്കറ്റാണെന്ന് തിരിച്ചറിഞ്ഞേതാടെ സവാദിനെ കരിപ്പൂർ പൊലീസിന് കൈമാറുകയായിരുന്നു. ഇയാൾക്കെതിരെ പൊലീസ് കേസെടുത്തു കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.