വടകര: പെരുന്നാളിനെ വരവേൽക്കാനൊരുങ്ങി സ്കൂളുകളിലും മറ്റും വിവിധ പരിപാടികൾ നടത്തി. വടകര എസ്.ജി.എം.എസ്.ബി സ്കൂളിൽ വിദ്യാരംഗം സാഹിത്യവേദി ആഭിമുഖ്യത്തിൽ 'മൈലാഞ്ചിച്ചേല്' എന്ന പേരിൽ മൈലാഞ്ചിയിടൽ മത്സരം നടത്തി. 200 വിദ്യാർഥികളാണ് പങ്കാളികളായത്. പ്രധാനാധ്യാപിക ശ്രീജയ ഉദ്ഘാടനം ചെയ്തു. നിരഞ്ജന രാജ്, ഫിബ, ദേവാംഗന, ഹൃദ്യ, ഗാഥ എന്നിവർ നേതൃത്വം നൽകി. കീഴൽ യു.പി സ്കൂൾ അറബിക് ക്ലബിെൻറ നേതൃത്വത്തിൽ മൈലാഞ്ചിയിടൽ മത്സരം നടത്തി. മൂന്ന് അംഗ ടീമുകളിലായി 18 പേരാണ് പങ്കാളികളായത്. കെ. ഫഹദ്, വി.സി.കെ. നസീമ എന്നിവർ വിധികർത്താക്കളായി. കെ.വി. സത്യൻ മാസ്റ്റർ സമ്മാനം നൽകി. എം. ഫൈസൽ, കെ. ശ്രീജൻ എന്നിവർ നേതൃത്വം നൽകി. ഓർക്കാട്ടേരി ഒലിവ് ആർട്സ് ആൻഡ് സയൻസ് കോളജ് യൂനിയൻ നേതൃത്വത്തിൽ മെഹന്ദി ഫെസ്റ്റ് നടത്തി. ഏറാമല ഗ്രാമപഞ്ചായത്ത് വൈസ് പ്രസിഡൻറ് വി.കെ. ജസീല ഉദ്ഘാടനം ചെയ്തു. കെ.കെ. അനുശ്രീ അധ്യക്ഷത വഹിച്ചു. റിസ്വാന ഷെറിൻ, കെ. റിയാന, പി. അനുശ്രീ, കെ. അശ്വതി, എൻ.കെ. ഫൗസിയ, നസ്റീബ നാസർ തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.