ഓവുചാലിൽ തകർന്ന സ്ലാബുകൾ: അപകടക്കെണിയാവുന്നു

അപകടക്കെണിയായി ഓവുചാലി​െൻറ തകർന്ന സ്ലാബുകൾ മുക്കം: മാർക്കറ്റ് റോഡിലെ ഓവുചാലി​െൻറ തകർന്ന സ്ലാബുകൾ അപകടക്കെണിയാവുന്നു. നിരവധി ആളുകൾ ഉപയോഗിക്കുന്ന റോഡിന് സമീപത്തെ ഒാവുചാലി​െൻറ സ്ലാബുകൾ തകർന്ന് കമ്പികൾ പുറത്തുകാണുന്ന രീതിയിലാണ്. മുക്കത്തെ മത്സ്യ, മാംസ മാർക്കറ്റുകൾ, വിവിധ വിദ്യാഭ്യാസ സ്ഥാപനങ്ങൾ, വില്ലേജ് ഓഫിസ്, ബസ് സ്റ്റാൻഡ് എന്നിവിടങ്ങളിലേക്ക് തകർന്ന സ്ലാബുകൾക്കരികിലൂടെ വേണം ജനങ്ങൾക്ക് കടന്നുപോകാൻ. കൂടാതെ അരിക്കോട്, മഞ്ചേരി, മലപ്പുറം ഭാഗത്തേക്കുള്ള ബസുകൾ പലപ്പോഴും തകർന്ന സ്ലാബുകൾക്ക് സമീപമാണ് നിർത്തി യാത്രക്കാരെ ഇറക്കുന്നത്. കഴിഞ്ഞയാഴ്ച അരിക്കോട് ഭാഗത്തേക്കുള്ള ബസ് യാത്രക്കാരെ ഇറക്കുന്നതിനിടയിൽ ഒരു സ്ത്രീ തകർന്ന സ്ലാബിൽ ചവിട്ടി തെന്നിയെങ്കിലും ഭാഗ്യത്തിന് അപകടത്തിൽനിന്ന് ഒഴിവാകുകയായിരുന്നു. മഴ ശക്തിയാകുന്നതിന് മുമ്പ് തകർന്ന സ്ലാബുകൾ മാറ്റി കാൽനടയാത്രക്കാർക്കും വാഹനങ്ങൾക്കും അപകടക്കെണി ഒഴിവാക്കാൻ അധിതൃതർ നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു. photo: Mk MUC1 മുക്കം മാർക്കറ്റ് റോഡിലെ ഓവുചാലി​െൻറ സ്ലാബുകൾ തകർന്ന നിലയിൽ