കോട്ടയം: തെങ്ങുകയറ്റ പരിശീലന പരിപാടിയുടെ ഉദ്ഘാടനം തെങ്ങിൻ മുകളിൽകയറി നിർവ ഹിച്ച് ആർ.ടി.ഒ. കോട്ടയം സോഷ്യൽ സർവിസ് സൊസൈറ്റിയുടെ നേതൃത്വത്തിൽ ഗൂഞ്ച് സംഘടനയുമായി സഹകരിച്ച് നാളികേര കർഷകർക്കായി സംഘടിപ്പിച്ച തെങ്ങുകയറ്റ പരിശീലന പരിപാടിയുടെ ഉദ്ഘാടനമാണ് കോട്ടയം റീജനൽ ട്രാൻസ്പോർട്ട് ഓഫിസർ (എൻഫോഴ്സ്മെൻറ്) വി.എം. ചാക്കോ വ്യത്യസ്തമായി നിർവഹിച്ചത്. തെങ്ങുകയറ്റ യന്ത്രം തെങ്ങിൽ ഘടിപ്പിച്ച് പടിപടിയായി അദ്ദേഹം മുകളിലേക്ക് കയറിയപ്പോൾ ചുറ്റും കൂടിനിന്നവർ ആവേശത്തോടെ കൈയടിച്ചു. സൊസൈറ്റി സെക്രട്ടറി ഫാ. സുനിൽ പെരുമാനൂർ, അസി. ഫാ. റോയി കാഞ്ഞിരത്തുംമൂട്ടിൽ, പരിശീലകൻ എം.എം. ജേക്കബ് എന്നിവർ പെങ്കടുത്തു. തെങ്ങുകയറ്റ മെഷീൻ ഉപയോഗിച്ചുള്ള ആറ് ദിവസത്തെ ശാസ്ത്രീയ തെങ്ങുകയറ്റ പരിശീലനമാണ് നൽകുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.