ഏറ്റുമാനൂര്‍: കുടുംബവഴക്കിനെ തുടര്‍ന്ന് ഭര്‍ത്താവിൻെറ മര്‍ദനമേറ്റ് തലയടിച്ചുവീണ ഭാര്യ മരിച്ചു. ഏറ്റുമാനൂര്‍ സ്വകാര്യ ബസ്സ്റ്റാൻഡിനു സമീപം ചിറക്കുളത്തിൻെറ കരയില്‍ ശാന്തിഭവനില്‍ വിനീതിൻെറ ഭാര്യ ആഷയാണ് (22) മരിച്ചത്. തിങ്കളാഴ്ച രാത്രി മദ്യപിച്ചെത്തിയ വിനീതും ആഷയും തമ്മിലുണ്ടായ വാക്കേറ്റമാണ് കൊലപാതകത്തില്‍ കലാശിച്ചത്. മര്‍ദനമേറ്റ് ഓടുപാകിയ തറയില്‍ തലയടിച്ച് ബോധരഹിതയായി വീണ ആഷയെ മെഡിക്കല്‍ കോളജ് ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു. തെങ്ങുകയറ്റ തൊഴിലാളിയായ ഭർത്താവ് വിനീതിനെ (30) ചൊവ്വാഴ്ച ഉച്ചയോടെ അറസ്റ്റ് ചെയ്തു. ഇ‍യാളെ കോടതി റിമാന്‍ഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.