കട്ടപ്പന: ഓടിക്കൊണ്ടിരുന്ന പെട്ടി ഓട്ടോയിൽ കയറ്റിയിരുന്ന ഹോസുകൾക്ക് പിടിച്ചത് ഡ്രൈവർ അറിഞ്ഞില്ല. പിന്നാലെ വരുകയായിരുന്ന അഗ്നിശമന സേന വാഹനം തടഞ്ഞ് തീയണച്ചതിനാൽ ദുരന്തം ഒഴിവായി. മേരികുളത്ത് പാചകവാതകം ചോർന്നതായ അറിയിപ്പ് ലഭിച്ചതിനെ തുടർന്ന് സംഭവസ്ഥലത്തേക്ക് പോയ അഗ്നിശമന സേനയാണ് മുന്നിൽ പോയ പെട്ടിഓട്ടോയിൽ തീപടരുന്നത് കണ്ടത്. വെള്ളിലാംകണ്ടം പുന്നക്കുഴിയിൽ തോമസിനായി കട്ടപ്പനയിലെ ഒരു കടയിൽനിന്ന് വാങ്ങിക്കൊണ്ടുപോയ മോട്ടോറും അനുബന്ധ ഉപകരണങ്ങളുമാണ് ഓട്ടോയിൽ ഉണ്ടായിരുന്നത്. കുന്തളംപാറ വലിയവീട്ടിൽ അഖിൽ രാജെൻറ ഓട്ടോയിലാണ് തീപിടിച്ചത്. ഹോസും വയറും കത്തിനശിച്ചെങ്കിലും മോട്ടോറും വാഹനവും സംരക്ഷിക്കാനായി. അഗ്‌നിശമനസേന മേരികുളത്ത് എത്തി ചോർച്ചയുണ്ടായ പാചകവാതക സിലിണ്ടർ നിർവീര്യമാക്കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.