ചങ്ങനാശേരി: സബ് റീജിനല് ട്രാന്സ്പോര്ട്ട് ഓഫിസിന്െറ പരിധിയില് പ്രവര്ത്തിക്കുന്ന സ്കൂള് വാഹനങ്ങളുടെ പരിശോധന നടത്തി. 126 വാഹനങ്ങളില് നടത്തിയ പരിശോധനയില് ആറ് വാഹനങ്ങളില് ക്രമക്കേട് കണ്ടത്തെിയതിനെ തുടര്ന്ന് ഈ വാഹനങ്ങള്ക്ക് വിലക്കേര്പ്പെടുത്തി. അധ്യയന വര്ഷാരംഭത്തിനു മുന്നോടിയായിട്ടാണ് വാഹനങ്ങള് പരിശോധനക്ക് വിധേയമാക്കിയത്. വിലക്കേര്പ്പെടുത്തിയ വാഹനങ്ങളുടെ ക്രമക്കേടുകള് തീര്ത്ത് ചങ്ങനാശേരി ജോയന്റ് റീജിനല് ട്രാന്സ്പോര്ട്ട് ഓഫിസര് മുമ്പാകെ ഹാജരാക്കാന് നിര്ദേശം നല്കി. മധ്യമേഖല ഡെപ്യൂട്ടി കമീഷണര് കെ.ജി. സാമുവേലിന്െറ നിര്ദേശത്തെ തുടര്ന്ന് മോട്ടോര് വെഹ്ക്കിള് ഇന്സ്പെക്ടര്മാരായ ബി. ഗോപകുമാര്, എസ്.എന്. ശിവകുമാര്, അസി. മോട്ടോര് വെഹ്ക്കിള് ഇന്സ്പെക്ടര്മാരായ ബിജുലാല് പി. റാം, ജി. അനീഷ് കുമാര് എന്നിവര് നേതൃത്വം നല്കി. സുരക്ഷാ പരിശോധനക്ക് എത്താന് സാധിക്കാത്ത വാഹനങ്ങള് തുടര് ദിവസങ്ങളില് പരിശോധിക്കും. പുതിയ അധ്യയന വര്ഷത്തിലും മണ്സൂണ് കാല ഡ്രൈവിങ്ങിലും പാലിക്കേണ്ട മുന്കരുതലുകളെക്കുറിച്ച് ഡ്രൈവര്മാര്ക്ക് ബോധവത്കരണം നല്കുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.