കോട്ടയം: ജില്ലയില് മൂന്നു മണ്ഡലങ്ങളില് നോട്ടയുടെ സ്ഥാനം നാലാമത്. കടുത്തുരുത്തി, പാലാ, വൈക്കം മണ്ഡലങ്ങളില് മുന്നണി സ്ഥാനാര്ഥികള്ക്ക് പിന്നിലായി യഥാക്രമം 1533, 907, 800 വോട്ടുകള് നോട്ടക്ക് ലഭിച്ചു. ബാര്കോഴ വിഷയത്തിനൊപ്പം അഴിമതിക്കെതിരെ ആം ആദ്മി പാര്ട്ടിയുടെ അടക്കം പ്രചാരണവും പാലാ മണ്ഡലത്തില് നിഷേധവോട്ടുകള് വര്ധിക്കാന് കാരണമായി. മറ്റ് മണ്ഡലങ്ങളായ പുതുപ്പള്ളി -630, കാഞ്ഞിരപ്പള്ളി -618, ഏറ്റുമാനൂര് -600, ചങ്ങനാശേരി -571, കോട്ടയം -483 എന്നിങ്ങനെയാണ് നോട്ടയുടെ സാന്നിധ്യം. ജില്ലയില് ആകെ 6455 വോട്ടുകള് നോട്ടക്ക് ലഭിച്ചു. കോട്ടയത്തും പുതുപ്പള്ളിയിലും അഞ്ചാമതും ഏറ്റുമാനൂരിലും കാഞ്ഞിരപ്പള്ളിയിലും ആറാമതും ചങ്ങനാശേരിയില് എട്ടാമതും സ്ഥാനത്ത് ഏറ്റവും കൂടുതല് സ്ഥാനാര്ഥികള് മത്സരിച്ച (17പേര്) പൂഞ്ഞാറില് 10ാമതുമാണ് സ്ഥാനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.