പാലാ: നാലമ്പല തീര്ഥാടകരുടെ ബസ് തനിയെ ഉരുണ്ട് കുഴിയില് പതിച്ചു. നാലമ്പല തീര്ഥാടന ക്ഷേത്രമായ അമനകര ക്ഷേത്രത്തില് തീര്ഥാടകര് ദര്ശനത്തിനു പോയതിനുശേഷം റോഡരികില് പാര്ക്ക് ചെയ്തിരുന്ന ടൂറിസ്റ്റ് ബസാണ് കുഴിയില് പതിച്ചത്. ബസ് ഉയര്ത്താന് വന്ന ക്രെയിനും മറിഞ്ഞു. ശനിയാഴ്ച രാവിലെ എട്ടിനാണ് സംഭവം. ബസ് ഡ്രൈവര് ചായകുടിക്കാന് പോയതായിരുന്നു. ബസ് ന്യൂട്രലിലാണ് പാര്ക്ക് ചെയ്തിരുന്നതെന്ന് നാട്ടുകാര് പറയുന്നു. കാലടി സ്വദേശികളായ നാലമ്പല ഭക്തര് വന്ന ബസാണ് അപകടത്തില്പെട്ടത്. പെരുമ്പാവൂര് സ്വദേശിയുടേതാണ് ബസ്. ബസ് ഉയര്ത്താന് വന്ന ക്രെയിനും മറിഞ്ഞു. തുടര്ന്ന് പെരുവയില്നിന്ന് മറ്റൊരു ക്രെയിന് വന്നാണ് മറിഞ്ഞ ക്രെയിനും ബസും ഉയര്ത്തിയത്. രാമപുരം പൊലീസ് അഡീഷനല് എസ്.ഐ ജോയി ജോസഫിന്െറ നേതൃത്വത്തിലുള്ള സംഘം നേതൃത്വം നല്കി. അപകടം ഉണ്ടായ സ്ഥലത്ത് സംരക്ഷണഭിത്തി നിര്മിക്കണമെന്ന് കാണിച്ച് നാട്ടുകാര് വകുപ്പ് മേലധികാരികള്ക്ക് പരാതി നല്കിയിട്ട് നാളുകളായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.