ഗാന്ധിനഗര്: കോട്ടയം മെഡിക്കല് കോളജ് നെഫ്രോളജി വിഭാഗത്തില് ചികിത്സ നേരിടുന്ന വൃക്ക ദാതാക്കളുടെയും സ്വീകര്ത്താക്കളുടെയും കുടുംബ സംഗമത്തിന്െറ മുന്നോടിയായി ‘അതിജീവനത്തിന്െറ ആഘോഷം’ എന്ന പേരില് പൊതുജനങ്ങളെ പങ്കെടുപ്പിച്ച് സ്നേഹദീപം തെളിച്ചു. ഗാന്ധിസ്ക്വയറിന് സമീപം നടക്കുന്ന ചടങ്ങ് നഗരസഭാ ചെയര്പേഴ്സണ് ഡോ. പി.ആര്. സോന ഉദ്ഘാടനം ചെയ്തു. വൈസ് ചെയര്പേഴ്സണ് ജാന്സി ജേക്കബ് അവയവദാന പ്രതിജ്ഞ ചൊല്ലിക്കൊടുത്തു. തുടര്ന്ന് സി.എം.എസ് കോളജിലെ സോഷ്യോളജി ഡിപാര്ട്മെന്റിലെ വിദ്യാര്ഥികള് തെരുവുനാടകം നടത്തി. മെഡിക്കല് കോളജ് നെഫ്രോളജി മേധാവി ഡോ. കെ.പി. ജയകുമാര് അധ്യക്ഷത വഹിച്ചു. ജനുവരി 10ന് വൃക്ക ദാതാക്കളുടെയും സ്വീകര്ത്താക്കളുടെയും കുടുംബ സംഗമമായ ‘മൃത്യുഞ്ജയം’ മുഖ്യമന്ത്രി ഉമ്മന് ചാണ്ടി ഉദ്ഘാടനം ചെയ്യും. ആരോഗ്യമന്ത്രി വി.എസ്. ശിവകുമാര്, വനം-ഗതാഗത മന്ത്രി തിരുവഞ്ചൂര് രാധാകൃഷ്ണന്, എം.പിമാര്, എം.എല്.എമാര് തുടങ്ങി വിവിധ നേതാക്കള് പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.