മുണ്ടക്കയം: വെള്ളനാടി ഹാരിസണ് മലയാളം ലിമിറ്റഡ് എസ്റ്റേറ്റില് സമരം നടത്തുന്ന തൊഴാലാളികള് തടഞ്ഞിട്ട ലാറ്റക്സ് ലോറി പൊലീസ് കസ്റ്റഡിയിലെടുക്കാന് ശ്രമിച്ചത് നേരിയ സംഘര്ഷത്തിനിടയാക്കി. തൊഴിലാളികള് പ്രതിഷേധം തുടര്ന്നതോടെ പൊലീസ് നടപടികളില്നിന്ന് പിന്മാറി. കഴിഞ്ഞ 55 ദിവസമായി വെള്ളനാടി ഹാരിസണ് മലയാളം തോട്ടത്തിലെ തൊഴിലാളികള് സമരത്തിലാണ്. ഇതിനിടെ ഫാക്ടറിയിലുണ്ടായിരുന്ന ലാറ്റക്സുമായി പുറത്തുപേകാന് ശ്രമിച്ച ലോറി തൊഴിലാളികള് തടയുകയായിരുന്നു. ചൊവ്വാഴ്ച രാവിലെ പൊലീസ് സഹായത്തോടെ മാനേജ്മെന്റ് ലോറി കൊണ്ടുപോകാന് ശ്രമിച്ചതാണ് വീണ്ടും സംഘര്ഷം സൃഷ്ടിച്ചത്. യൂനിയന് നേതാക്കളുടെ നേതൃത്വത്തിലത്തെിയ തൊഴിലാളികള് ലോറി വിട്ടുനല്കാന് വിസമ്മതിച്ചതിനാല് പൊലീസ് നടപടിയില്നിന്ന് പിന്മാറുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.