കൊച്ചി: കോവിഡ് 19 പശ്ചാത്തലത്തിൽ മാസ്ക് ധരിക്കാതെ പുറത്തിറങ്ങിയ 301 പേർക്കെതിരെ ശനിയാഴ്ച ജില്ലയിൽ കേസെടുത്തു. ലോക്ഡൗൺ ലംഘനം നടത്തിയതിന് 63 പേർ അറസ്റ്റിൽ. കൊച്ചി സിറ്റി പൊലീസ് 16 കേസുകളില്നിന്ന് 23 പേരെ അറസ്റ്റ് ചെയ്തു. നാല് വാഹനങ്ങള് പിടിച്ചെടുത്തു. മാസ്ക് ധരിക്കാതെ പുറത്തിറങ്ങിയതിന് 288 പേര്ക്കെതിരെയാണ് ഇവിടെ കേസെടുത്തത്. എറണാകുളം റൂറല് പൊലീസ് 47 കേസുകള് രജിസ്റ്റര് ചെയ്തു. 40 പേരെ അറസ്റ്റ് ചെയ്തു. 32 വാഹനങ്ങള് കണ്ടുകെട്ടി. മാസ്ക് ധരിക്കാത്തതിന് 13 പേര്ക്കെതിരെയും കേസെടുത്തിട്ടുണ്ട്. കണ്ണമാലി സ്റ്റേഷൻ അതിര്ത്തിയിലെ മറ്റവന് ക്ഷേത്രത്തില് ആരാധന നടത്തിയതിന് 10 പേര്ക്കെതിരെ കേസെടുത്തിട്ടുണ്ട്. മാനാത്തുപാടത്ത് ബാര്ബര് ഷോപ് തുറന്നതിന് ഒരാള്ക്കെതിരെ കളമശ്ശേരി പൊലീസും കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.