കൊച്ചി: കിഫ്ബി സഹായത്തോടെ കെ.എസ്.ഇ.ബി നടപ്പാക്കുന്ന ട്രാൻസ്ഗ്രിഡ് പദ്ധതിയിലെ ക്രമക്കേടിനെക്കുറിച്ച് വിശദമായി അന്വേഷിക്കണമെന്ന് വി.ഡി. സതീശൻ എം.എൽ.എ ആവശ്യപ്പെട്ടു. ആയിരത്തിലധികം കോടിയുടെ അഴിമതിയാണ് നടന്നത്. ഇത്തരം പ്രവൃത്തികൾക്ക് കെ.എസ്.ഇ.ബി നിരക്ക് നിശ്ചയിച്ച് റെഗുലേറ്ററി കമീഷൻെറ അനുമതി വാങ്ങാറുണ്ട്. ഇതിനായി താഴേത്തലം മുതലാണ് എസ്റ്റിമേറ്റ് തയാറാക്കുന്നത്. എന്നാൽ, ഇവിടെ ഒരു ചീഫ് എൻജിനീയറെ പ്രത്യേകമായി നിശ്ചയിച്ചാണ് നിലവിലുള്ള കെ.എസ്.ഇ.ബി നിരക്കിനെക്കാൾ 50-80 ശതമാനം വരെ എസ്റ്റിമേറ്റ് തുക ഉയർത്തിയത്. കോട്ടയം, തൃശൂര് ജില്ലകളില് നടത്തുന്ന പദ്ധതിക്ക് എസ്റ്റിമേറ്റ് 60 ശതമാനം ഉയര്ത്തിയതിലൂടെ 210 കോടിയുടെ നഷ്ടമാണുണ്ടായത്. സമാന നടപടിയാണ് മലബാറിലെ മൂന്നു പദ്ധതികളിലും സംഭവിച്ചതെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.