പള്ളിക്കര: പാർക്ക് ചെയ്ത വാഹനങ്ങളിൽനിന്ന് മൊബൈൽ ഫോൺ മോഷ്ടിക്കുന്നയാൾ പിടിയിൽ. കൂത്താട്ടുകുളം തിരുമാറാടി മണ്ണത്തൂർ സ്വദേശി രാജേഷാണ് (41) പിടിയിലായത്. അമ്പലമേട് ബി.പി.സി.എൽ കമ്പനിയുടെ പാർക്കിങ് സ്ഥലത്ത് പാർക്ക് ചെയ്തുവരുന്ന വാഹനങ്ങളിൽ മോഷണം നടത്തുന്നതിനിടെ മൊബൈലുമായി അമ്പലമേട് എസ്.എച്ച്.ഒ ശബാബ് കാസിമിൻെറ നേതൃത്വത്തിലാണ് പിടികൂടിയത്. മോഷ്ടിക്കുന്ന മൊബൈലുകൾ കൂത്താട്ടുകുളം, തൊടുപുഴ, മൂവാറ്റുപുഴ തുടങ്ങിയ സ്ഥലങ്ങളിലെ കടകളിലാണ് വിൽപന നടത്തിവരുന്നത്. മൂന്ന് ഓട്ടോറിക്ഷ മോഷ്ടിച്ചതിന് ഇയാൾക്കെതിരെ കേസുണ്ട്. അമ്പലമുകൾ ബി.പി.സി.എല്ലിലെ സ്വകാര്യ കമ്പനിയിൽ മെക്കാനിക്കൽ ഹെൽപറായിരുന്നു. എസ്.ഐ ബേബി, എ.എസ്.ഐ ഏലിയാസ്, എസ്.സി.പി.ഒ ടി.പി. റെജി, സി.പി.ഒ മുരളി, രതീഷ്, സുമേഷ്, സന്തോഷ് എന്നിവരും അേന്വഷണ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.