മൂവാറ്റുപുഴ: മകൾക്കൊപ്പം സ്കൂട്ടറിൽ പോകുകയായിരുന്ന വീട്ടമ്മയെ റോഡിൽ തടഞ്ഞുനിർത്തി കത്തികൊണ്ട് കുത്തിയശേഷ ം യുവാവ് ആത്മഹത്യക്ക് ശ്രമിച്ചു. ആവോലി തോപ്പിൽക്കുടിയിൽ ഉഷ (44), കാനാപറമ്പിൽ ജോബി (42) എന്നിവരെ നാട്ടുകാർ കോലഞ്ചേരി മെഡിക്കൽ മിഷൻ ആശുപത്രിയിൽ പ്രവേശിപ്പിച്ചു. ബുധനാഴ്ച എട്ടരയോടെ ആവോലി വില്ലേജ് ഓഫിസിന് സമീപമാണ് സംഭവം. ഉഷ മകൾക്കൊപ്പം സ്കൂട്ടറിൽ വരുന്നതിനിടെ ജോബി സ്കൂട്ടർ തടഞ്ഞു. എന്നാൽ, ഉഷയും മകളും സ്കൂട്ടർ നിർത്താതെ മുന്നോട്ടു പോയി. ഇതിനിടെ ജോബി ഓടിയെത്തി സ്കൂട്ടറിലിരുന്ന ഉഷയെ ൈകയിൽ സൂക്ഷിച്ചിരുന്ന കത്തികൊണ്ട് കുത്തുകയായിരുന്നു. പിന്നീട് ഇയാൾ സ്വയം കുത്തി പരിക്കേൽപിച്ചു. നാട്ടുകാർ ഇരുവരെയും ആശുപത്രിയിൽ എത്തിക്കുകയായിരുന്നു. വാഴക്കുളം പൊലീസ് കേസെടുത്ത് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.