മൂവാറ്റുപുഴ: കണ്ടെയ്നർ ലോറിക്ക് പിന്നിൽ കാറിടിച്ച് കാർ യാത്രക്കാരായ അഞ്ചു പേർക്ക് പരിക്കേറ്റു. മൂവാറ്റുപുഴ ആനിക്കാട് കണ്ടത്തിക്കുടി തെക്കുംഭാഗം ജോണി (60), ഭാര്യ ബീന (53), മകൻ ബാജിയോ (25), മകൾ റേസ് മേരി (10), മരുമകൾ എലിസബത്ത് (23) എന്നിവരെ കോലഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഗുരുതരമായി പരിക്കേറ്റ ബീനയെയും ബാജിയോയെയും തീവ്രപരിചരണ വിഭാഗത്തിലേക്ക് മാറ്റി. ശനിയാഴ്ച രാത്രി 11 മണിയോടെ തൃക്കളത്തൂർ പള്ളിത്താഴത്താണ് അപകടം. പെരുമ്പാവൂരിൽ നിന്നും മൂവാറ്റുപുഴക്ക് വരുകയായിരുന്ന കാറ്, തൊടുപുഴയിൽ നിന്നും ചെരുപ്പുമായി ഹൈദരാബാദിന് പോകുകയായിരുന്ന ലോറിയുടെ പിൻവശത്തെ ടയറിൽ ഇടിക്കുകയായിരുന്നു. ഇടിയുടെ ആഘാതത്തിൽ കാറിെൻറ മുൻഭാഗം തകർന്നു. കാറിൽ കുടുങ്ങിപ്പോയ വരെ മൂവാറ്റുപുഴയിൽ നിന്നെത്തിയ ഫയർഫോഴ്സ് സംഘം കാറ് വെട്ടിപ്പൊളിച്ചാണ് പുറത്തെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.