കൂത്താട്ടുകുളം: ഉപ്പുകണ്ടം കവലയിലുള്ള കേബിൾ ടി.വിയുടെ ഓഫിസിൽ തീപിടിത്തം. ഓഫിസും ഉപകരണങ്ങളും പൂർണമായും കത്തി നശിച്ചു. ബുധനാഴ്ച പുലർച്ചയാണ് തീപിടിത്തം ഉണ്ടായത്. കൂത്താട്ടുകുളം ഫയർ ഫോഴ്സ് എത്തിയാണ് തീ അണച്ചത്. പാലക്കുഴ കാവുംഭാഗം അമ്പലത്താംകുന്നേൽ എ.ടി. രാജെൻറ ഉടമസ്ഥതയിലുള്ള കേബിൾ ടി.വി ഓഫിസാണ് കത്തി നശിച്ചത്. നൂറിനു മുകളിൽ കണക്ഷൻ ഉണ്ടായിരുന്നു. കേബിൾ ടി.വി ഓപറേറ്റേഴ്സ് അസോസിയേഷെൻറ സഹകരണത്തോടെ നാളെയോടെ കണക്ഷനുകൾ പുനഃസ്ഥാപിക്കാൻ കഴിയും എന്ന് ഉടമ അറിയിച്ചു. ഏതാണ്ട് നാലു ലക്ഷം രൂപയുടെ മുകളിൽ നഷ്ടം ഉണ്ടായിട്ടുള്ളതായി കണക്കാക്കപ്പെടുന്നു. ഷോർട്ട് സർക്യൂട്ട് ആണ് തീപിടിത്തത്തിന് കാരണമായി പറയുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.