ആലുവ: പ്രളയ അനുഭവസാക്ഷ്യമായി കേരള ലളിതകല അക്കാദമിയുടെ നേതൃത്വത്തിൽ കാർട്ടൂണിസ്റ്റുകൾ 'അതിജീവനം' എന്ന പേരിൽ കാർട്ടൂൺ പ്രദർശനം നടത്തും. തിങ്കളാഴ്ച ആലുവ റെയിൽവേ സ്റ്റേഷന് മുന്നിൽ പോസിറ്റിവ് കാർട്ടൂണുകളുടെ പ്രദർശനവും ലൈവ് കാരിക്കേച്ചർ ഷോയും നടക്കുമെന്ന് മുഖ്യസംഘാടകനും കാർട്ടൂൺ അക്കാദമി വൈസ് ചെയർമാനുമായ ഇബ്രാഹീം ബാദുഷ പറഞ്ഞു. അൻവർ സാദത്ത് എം.എൽ.എ പ്രദർശനം ഉദ്ഘാടനം ചെയ്യും. കേരള കാർട്ടൂൺ അക്കാദമി ചെയർമാൻ സുകുമാർ വിശിഷ്ടാതിഥിയായിരിക്കും. രാവിലെ പത്തുമണി മുതൽ വൈകീട്ട് ആറുവരെ കലാകാരന്മാർ പൊതുജനങ്ങളുടെ ലൈവ് കാരിക്കേച്ചറുകൾ വരക്കും. അതിൽനിന്ന് സമാഹരിക്കുന്ന തുക ലളിതകല അക്കാദമി മുഖ്യമന്ത്രിയുെട ദുരിതാശ്വാസ ഫണ്ടിലേക്ക് സംഭാവന ചെയ്യും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.