കൊച്ചി: മഴക്കാലം ആരംഭിക്കുന്നതിന് മുന്നോടിയായി പകര്ച്ചവ്യാധികള് പെരുകുന്നതിനെതിരെ വടവുകോട് ബോധവത്കരണ പരിപാടികള് സംഘടിപ്പിച്ചു. 'ഉറവിടവത്കരണവും ബോധവത്കരണവും' പരിപാടിയുടെ ഭാഗമായി ഡെങ്കിപ്പനി, മലേറിയ, മഞ്ഞപ്പിത്തം എന്നീ രോഗങ്ങള് പെരുകുന്നതിനെതിരെ പഞ്ചായത്തിന് കീഴിലുള്ള വീടുകളും പരിസര പ്രദേശങ്ങളും സന്ദര്ശിച്ച് ബോധവത്കരണം നടത്തി. വീടിനും പരിസര പ്രദേശത്തും വെള്ളം കെട്ടിക്കിടന്ന് കൊതുക് പെരുകാനുള്ള സാഹചര്യം പരിശോധിക്കുകയും ആവശ്യമായ നടപടിക്രമങ്ങള് നിര്ദേശിക്കുകയും ചെയ്തതായി ജൂനിയര് ഹെല്ത്ത് ഇന്സ്പെക്ടര് കെ.കെ. സതീഷ് പറഞ്ഞു. പ്രശ്നങ്ങള് കണ്ടെത്തിയ പ്രദേശങ്ങളില് രണ്ടാം ഘട്ട സന്ദര്ശനം നടത്തി പ്രശ്നങ്ങള് പരിഹരിച്ചോ എന്ന് അന്വേഷിക്കും. ഈ മാസം 27 വരെ ഗൃഹസന്ദര്ശന പരിപാടി തുടരും. പകര്ച്ചവ്യാധി പ്രതിരോധത്തിെൻറ ഭാഗമായി സംസ്ഥാന ആരോഗ്യ വകുപ്പും തദ്ദേശ സ്വയംഭരണ വകുപ്പും സംയുക്തമായി സംഘടിപ്പിക്കുന്ന ആരോഗ്യ ജാഗ്രത പരിപാടിക്ക് ബ്ലോക്ക് പഞ്ചായത്ത് സ്റ്റാന്ഡിങ് കമ്മിറ്റി ചെയര്മാന് എന്.എന്. രാജന്, പഞ്ചായത്ത് അംഗം ജോണ് ജോസഫ്, ഹെല്ത്ത് നഴ്സ് ലില്ലി എന്നിവര് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.