ആലപ്പുഴ: ആർ.എസ്.എസ് മാർച്ചിൽ പങ്കെടുത്ത ഒരുകൂട്ടം ആളുകൾ മലപ്പുറത്ത് പ്രസ്ക്ലബിൽ കയറി പ്രസ് ഫോട്ടോഗ്രാഫറെ ആക്രമിച്ച സംഭവത്തിൽ പ്രതിഷേധിച്ച് കേരള പത്രപ്രവർത്തക യൂനിയൻ ജില്ല കമ്മിറ്റിയുടെ ആഭിമുഖ്യത്തിൽ പ്രകടനം നടത്തി. പ്രസ്ക്ലബിന് സമീപത്തുനിന്ന് ആരംഭിച്ച പ്രകടനം മിനി സിവിൽ സ്റ്റേഷൻ കവാടത്തിൽ സമാപിച്ചു. പ്രതിഷേധ യോഗം കെ.യു.ഡബ്ല്യു.ജെ സംസ്ഥാന കമ്മിറ്റി അംഗം എ. സേതുമാധവൻ ഉദ്ഘാടനം ചെയ്തു. സംസ്ഥാന കമ്മിറ്റി അംഗം ടി.കെ. ഹരീഷ് മുഖ്യപ്രഭാഷണം നടത്തി. ജില്ല സെക്രട്ടറി ജി. ഹരികൃഷ്ണൻ അധ്യക്ഷത വഹിച്ചു. കോട്ടയം ജില്ല വൈസ് പ്രസിഡൻറ് സിബി ജോർജ്, വി.ആർ. രാജമോഹൻ, എം.എം. ഷംസുദ്ദീൻ, സീനിയർ ജേണലിസ്റ്റ് യൂനിയൻ ജില്ല സെക്രട്ടറി എ.എ. ഷൗക്കത്ത്, കെ.യു.ഡബ്ല്യു.ജെ ജില്ല ജോയൻറ് സെക്രട്ടറി ടി.കെ. അനിൽകുമാർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.