ആലങ്ങാട്: കരുമാല്ലൂർ പഞ്ചായത്തിലെ കിഴക്കേ വെളിയത്തുനാട്ടിൽ വിവിധ പ്രദേശങ്ങളിലെ കുടിവെള്ളക്ഷാമം പരിഹരിക്കാൻ കുടിവെള്ള പദ്ധതി ആരംഭിക്കുന്നു. തൊട്ടിപ്പറമ്പ്, അമലനഗർ, പാദുവനാഗർ, സൊസൈറ്റിപ്പടി, പാദുവ ചെറിയത്ത് അമ്പലം, ഓക്സോണിയ, ജുമാമസ്ജിദ് പരിസരം വെള്ളം, ഭഗവതി അമ്പലത്തിന് സമീപം, മില്ലുപടി ഫാം റോഡ് എന്നിവിടങ്ങളിലാണ് കുടിവെള്ളക്ഷാമം രൂക്ഷമായത്. വി.കെ. ഇബ്രാഹിംകുഞ്ഞ് എം.എൽ.എയുടെ ആസ്തി വികസന ഫണ്ടിൽനിന്ന് 88 ലക്ഷം രൂപയാണ് ചെലവ് ചെയ്യുന്നത്. പെരിയാറിെൻറ തീരത്ത് കിണർ കുഴിച്ച് വെള്ളം പമ്പ് ചെയ്ത് ഓവർ ഹെഡ് ടാങ്ക് നിർമിച്ച് പുതിയ പൈപ്പ് ലൈൻ സ്ഥാപിച്ച് കുടിവെള്ളം എത്തിക്കുന്നതാണ് പദ്ധതി. പദ്ധതിയുടെ ടെൻഡർ നടപടി പൂർത്തിയായതായി എം.എൽ.എ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.