കൊച്ചി: നഗരമധ്യത്തിലെ വീടിെൻറ ടെറസിൽ കഞ്ചാവ് ചെടികൾ നട്ടുവളർത്തിയ യുവതി പൊലീസ് പിടിയിൽ. എറണാകുളം കതൃക്കടവ് വട്ടേക്കാട് റോഡില്‍ ജോസണ്‍ വീട്ടില്‍ മേരി ആന്‍ ക്ലമൻറ്(37) ആണ് നോര്‍ത്ത് െപാലീസ് പിടിയിലായത്. ആറു മാസം വളര്‍ച്ചയെത്തിയ ആറര അടി പൊക്കമുള്ള കഞ്ചാവ് ചെടികളാണ് മേരിയുടെ ടെറസില്‍ ഉണ്ടായിരുന്നത്. സുഹൃത്ത് നല്‍കിയതാണ് ചെടികളെന്നാണ് ഇവര്‍ പൊലീസിന് മൊഴി നല്‍കിയത്. മേരിക്ക് ലഹരി ഉപയോഗിക്കുന്ന ശീലമുണ്ടായിരുന്നതായി പൊലീസിന് വിവരം ലഭിച്ചിട്ടുണ്ട്. പൊലീസ് പരിശോധനക്ക് എത്തിയപ്പോള്‍ മേരിയും മാതാവും മാത്രമാണ് വീട്ടില്‍ ഉണ്ടായിരുന്നത്. ടെറസിൽ കഞ്ചാവ് ചെടി നട്ടതിനെക്കുറിച്ച് മാതാവിന് അറിവുണ്ടായിരുന്നിെല്ലന്ന നിഗമനത്തിലാണ് പൊലീസ്. ഇവർക്കെതിരെ കേസ് എടുത്തിട്ടില്ല. നോര്‍ത്ത് സി.ഐ കെ.ജെ പീറ്ററിന് ലഭിച്ച രഹസ്യ വിവരത്തിെൻറ അടിസ്ഥാനത്തില്‍ എസ്.ഐ വിപിന്‍ദാസിെൻറ നേതൃത്വത്തില്‍ അഡീ. എസ്.ഐ സുരേഷ്, സന്തോഷ്, മാഹിന്‍, ശ്രീകാന്ത് എന്നിവരുള്‍പ്പെട്ട സംഘം നടത്തിയ പരിശോധനയിലാണ് ടെറസില്‍ കഞ്ചാവ് കൃഷി കണ്ടെത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.