ഹരിപ്പാട്: മയക്കുമരുന്ന് ഗുളികകൾ വിൽപന നടത്തിയ രണ്ടുപേർ അറസ്റ്റിൽ. ഇവരിൽനിന്ന് 200 നൈട്രോസൺ ഗുളികകളും ഉപയോഗിച്ച കാറും കസ്റ്റഡിയിലെടുത്തു. കൈനകരി കുന്നത്തറ വീട്ടിൽ അഭിലാഷ് (37), ആര്യാട് പൂന്തോപ്പ് പുത്തൻപുരക്കൽ പ്രശാന്ത് (32) എന്നിവരെയാണ് ഹരിപ്പാട് സി.െഎ ടി. മനോജ്, എസ്.ഐ ആനന്ദബാബു, എ.എസ്.ഐ കെ. സജി എന്നിവരുടെ നേതൃത്വത്തിൽ പിടികൂടിയത്. ഞായറാഴ്ച വൈകുന്നേരം 4.30ഓടെ ഹരിപ്പാട്-വീയപുരം റോഡിൽ കൊമളത്ത് കുളങ്ങര ജങ്ഷനിലാണ് ഇവരെ കാർ തടഞ്ഞ് നിർത്തി പിടികൂടിയത്. ഇവരിൽനിന്ന് 100 വീതം നൈട്രോസൺ ഗുളികകളാണ് കണ്ടെടുത്തത്. പ്രതികളെ ഹരിപ്പാട് മജിസ്ട്രേറ്റ് കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.