ആലപ്പുഴ: ബി.ജെ.പിയുടെ താൻപ്രമാണിത്തത്തിനെതിരെ വിമർശനമുയർത്തിയ ബി.ഡി.ജെ.എസിെൻറ നിർണായകയോഗം ബുധനാഴ്ച ചേർത്തലയിൽ നടക്കും. ചെങ്ങന്നൂർ ഉപതെരഞ്ഞെടുപ്പിൽ ബി.ജെ.പിയോട് സ്വീകരിക്കേണ്ട നിലപാടിനെക്കുറിച്ചാണ് പ്രധാനമായും യോഗം ചർച്ച ചെയ്യുക. ബി.ജെ.പിയുടെ നയങ്ങൾക്കെതിരെ എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ രംഗത്തുവന്നിരുന്നു. ബി.ഡി.ജെ.എസ് ചെയർമാൻ തുഷാർ വെള്ളാപ്പള്ളിയും സമാന നിലപാടിലായിരുന്നു. എങ്കിലും എൻ.ഡി.എ വിട്ടുപോകുന്നതിനെക്കുറിച്ച് വ്യക്തമായ സൂചന നൽകിയതുമില്ല. ബുധനാഴ്ച നടക്കുന്ന യോഗം ബി.െജ.പിയെ കൂടുതൽ പ്രതിസന്ധിയിലാക്കുന്ന തീരുമാനത്തിലേക്ക് എത്തും. എന്നാൽ, അതിനുമുമ്പ് ബി.ഡി.ജെ.എസിനെ അനുനയിപ്പിക്കാനുള്ള ഉൗർജിതശ്രമങ്ങൾ ബി.ജെ.പി ആരംഭിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.