ചേര്ത്തല: ഭർതൃഗൃഹത്തിൽ ആത്മഹത്യ ചെയ്ത യുവതിയുടെ മരണത്തിൽ ദുരൂഹതയുണ്ടെന്ന് കാട്ടി യുവതിയുടെ മാതാപിതാക്കൾ പൊലീസിൽ പരാതി നല്കി. ചേര്ത്തല നഗരസഭ 30ാം വാര്ഡ് കുറ്റിപ്പുറത്ത് ചിറയില് കുഞ്ഞുമോെൻറ മകള് തസ്ലിയാണ് (22) ബുധനാഴ്ച രാത്രി ആത്മഹത്യ ചെയ്തത്. അഞ്ചുവർഷം മുമ്പാണ് മുട്ടത്തിപ്പറമ്പ് മുത്തേഴത്ത് വെളി ഷബിന് തസ്ലിയെ വിവാഹം ചെയ്തത്. ഒരുമാസമായപ്പോഴേക്കും ഭര്ത്താവും വീട്ടുകാരും ചേർന്ന് പീഡിപ്പിക്കുന്നുവെന്ന് കാട്ടി മുഹമ്മ പൊലീസില് പരാതി നല്കി സ്വന്തം വീട്ടിലേക്ക് മടങ്ങിപ്പോയ തസ്ലിയെ പിന്നീട് ബന്ധുക്കൾ പ്രശ്നം ചര്ച്ചചെയ്ത് പരിഹരിച്ച് ഭർതൃവീട്ടിൽ എത്തിച്ചെങ്കിലും വീണ്ടും പീഡനം ആവർത്തിച്ചിരുന്നതായി ബന്ധുക്കൾ പരാതിപ്പെടുന്നു. ഇതുസംബസിച്ച് ചേർത്തല, മുഹമ്മ പൊലീസ് സ്റ്റേഷനുകളിൽ തസ്ലിയുടെ മാതാപിതാക്കള് പരാതി കൊടുത്തിരുന്നു. കഴിഞ്ഞ മൂന്ന് മാസമായി ഭര്ത്താവിെൻറ വീട്ടില് രണ്ടുവയസ്സുള്ള കുഞ്ഞുമായി കഴിഞ്ഞിരുന്ന തസ്ലിയെ ബുധനാഴ്ച സന്ധ്യക്കും ഫോണിൽ വിളിച്ചിരുന്നതായി ബന്ധുക്കൾ പറയുന്നു. അന്നേദിവസം രാത്രി പത്തിന് വീട്ടിനുള്ളില് തസ്ലി തൂങ്ങിമരിച്ചെന്ന് ഭർതൃവീട്ടുകാർ അറിയിക്കുകയായിരുന്നു. തസ്ലിയുടെ മരണം ആത്മഹത്യയല്ലെന്നും ഇതിൽ ദുരൂഹതയുണ്ടെന്നും കാട്ടിയാണ് പരാതി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.