ആലപ്പുഴ: മോഷ്ടിച്ച ബൈക്ക് കേടായതിനെ തുടർന്ന് അടുത്ത വീട്ടിൽ കണ്ട സ്കൂട്ടറുമായി മോഷ്ടാവ് മുങ്ങി. ആലപ്പുഴ അവലൂക്കുന്ന് കൈചൂണ്ടിയിൽ കഴിഞ്ഞ ദിവസം രാത്രിയിലാണ് സംഭവം. പ്രാവ് വിൽപനക്കാരനായ ബോബൻ എന്നയാളുടെ ബൈക്കാണ് മോഷ്ടാവ് ആദ്യം കവർന്നത്. എന്നാൽ, ഇത് കേടായതിനെ തുടർന്ന് പനക്കൽ വീട്ടിൽ എ.എസ്. സഹീദയുടെ ആക്റ്റീവ സ്കൂട്ടറുമായി മോഷ്ടാവ് മുങ്ങുകയായിരുന്നു. സഹീദയുെട വീടിെൻറ പൂട്ടിയിട്ട ഗേറ്റ് തല്ലിത്തകർത്താണ് വീട്ടുമുറ്റത്ത് നിർത്തിയിട്ടിരുന്ന വാഹനം മോഷ്ടിച്ചത്. എട്ടുമാസം മുമ്പ് വാങ്ങിയ െക.എൽ-04 എ.എൽ 2033 വാഹനമാണ് കാണാതായത്. അടുത്തുണ്ടായിരുന്ന ബൈക്കിൽ വെച്ചിരുന്ന ഹെൽമറ്റും നഷ്ടപ്പെട്ടിട്ടുണ്ട്. അടുത്ത് പാർക്ക് ചെയ്തിരുന്ന വെസ്പ സ്കൂട്ടർ തുറക്കാൻ ശ്രമവും നടന്നു. ബൈക്ക് കാണാതായ വിവരം പൊലീസിൽ പരാതിപ്പെട്ടശേഷം തിരിച്ചുവരേവയാണ് ബോബെൻറ ബൈക്ക് സഹീദയുടെ വീടിന് സമീപത്തുനിന്ന് കണ്ടെത്തിയത്. കേടായതോ പെട്രോൾ തീർന്നതോ ആവാം ബൈക്ക് ഉപേക്ഷിക്കാൻ കാരണമെന്ന് കരുതുന്നു. നോർത്ത് പൊലീസ് കേസെടുത്ത് അന്വേഷണം ആരംഭിച്ചു. വിരലടയാള വിദഗ്ധർ പരിശോധന നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.