അപകടകരമായ രീതിയിൽ കുഞ്ഞുമായി എത്തിയ സ്കൂട്ടർ യാത്രികനെ സുരക്ഷിതമായി വീട്ടിലെത്തിച്ച് പൊലീസ് പൂച്ചാക്കൽ: പൊലീസ് അതിക്രമത്തിനെതിരെയും കസ്റ്റഡി മർദനങ്ങൾക്കെതിരെയും സംസ്ഥാനമൊട്ടാെക പ്രതിഷേധമുയരുേമ്പാൾ പൂച്ചാക്കലിൽ നിന്നൊരു മികച്ച പൊലീസ് മാതൃക. അപകടകരമായ രീതിയിൽ കുഞ്ഞിനെയും കൊണ്ട് സ്കൂട്ടറിൽ സഞ്ചരിച്ചയാളെ സുരക്ഷിതമായി വീട്ടിലെത്തിച്ചാണ് പൂച്ചാക്കൽ പൊലീസ് മാതൃക കാണിച്ചത്. ബുധനാഴ്ച രാവിലെ എട്ടോടെ മാക്കേക്കവലയിൽ അഡീഷനൽ എസ്.ഐ ഭാനുദേവെൻറ നേതൃത്വത്തിൽ പൂച്ചാക്കൽ പൊലീസ് വാഹനപരിശോധന നടത്തുന്നതിനിടെയാണ് തൈക്കാട്ടുശ്ശേരി സ്വദേശിയായ സ്കൂട്ടർ യാത്രികൻ കുഞ്ഞുമായി വരുന്നത് കണ്ടത്. രണ്ടുവയസ്സുപോലും പ്രായമില്ലാത്ത കുഞ്ഞിനെ ഇടത്തേ തുടയോട് ചേർത്തിരുത്തി ഇടതുകൈ കൊണ്ട് പിടിച്ചാണ് സ്കൂട്ടർ ഒാടിച്ചുവന്നത്. യാത്രക്കാരനെ തടഞ്ഞ പൊലീസുകാർ അയാളെയും കുഞ്ഞിനെയും അതേ സ്കൂട്ടറിൽ തന്നെ സുരക്ഷിതമായി വീട്ടിലെത്തിക്കുകയായിരുന്നു. ഒരു പൊലീസുകാരൻ സ്കൂട്ടർ ഓടിക്കുകയും യാത്രക്കാരൻ കുഞ്ഞുമായി പിറകിലിരിക്കുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.