കൊച്ചി: പോർചുഗല് ആസ്ഥാനമായ വേള്ഡ് പ്രസ് കാരിക്കേച്ചര് (ഡബ്ല്യു.പി.സി) അന്തർദേശീയ പുരസ്കാരം നേടിയ ചിത്രകാരൻ തോമസ് ആൻറണിക്ക് കൊച്ചിയിൽ സ്വീകരണം നൽകുമെന്ന് സംഘാടകർ വാർത്തസമ്മേളനത്തിൽ അറിയിച്ചു. കേരള മീഡിയ അക്കാദമി, കേരള ലളിതകല അക്കാദമി, എറണാകുളം പ്രസ് ക്ലബ് എന്നിവയുടെ ആഭിമുഖ്യത്തിൽ തിങ്കളാഴ്ച വൈകീട്ട് മൂന്നിന് എറണാകുളം ദർബാർ ഹാൾ ആർട്ട് ഗാലറിയിലാണ് അനുമോദനം. മീഡിയ അക്കാദമി ചെയർമാൻ ആർ.എസ്. ബാബു, ലളിതകല അക്കാദമി ചെയർമാൻ നേമം പുഷ്പരാജ്, പ്രസ് ക്ലബ് പ്രസിഡൻറ് ഡി. ദിലീപ് എന്നിവർ പങ്കെടുക്കും. തോമസ് ആൻറണിയുടെ കാരിക്കേച്ചറുകളുടെ പ്രദർശനം കാർട്ടൂണിസ്റ്റ് യേശുദാസൻ ഉദ്ഘാടനം ചെയ്യും. പ്രദർശനം മൂന്നുദിവസം തുടരും. മെട്രോ വാര്ത്തയിൽ എക്സിക്യൂട്ടീവ് ആര്ട്ടിസ്റ്റാണ് തോമസ് ആൻറണി. സിംബാബ്വെ പ്രധാനമന്ത്രിയും പ്രസിഡൻറുമായിരുന്ന റോബര്ട്ട് ഗബ്രിയല് മുഗാബെയുടെ കാരിക്കേച്ചറിനാണ് പുരസ്കാരം. ഏഷ്യയില്ന്ന് തോമസ് ആൻറണി മാത്രമാണ് പുരസ്കാരത്തിന് അർഹനായത്. രണ്ടിന് പോർചുഗലിലെ കാൽഡാസ് ഡാ റെയ്ൻഹയിലായിരുന്നു പുരസ്കാരദാനം. കാർട്ടൂണിസ്റ്റുകളായ സുധീർനാഥ്, ഉണ്ണികൃഷ്ണൻ, മനോജ് മാത്തശേരി എന്നിവർ വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.