ആലപ്പുഴ: ട്രെയിനിൽ കടത്തിയ പുകയില ഉൽപന്നങ്ങൾ ആലപ്പുഴ റെയിൽവേ പൊലീസ് പിടികൂടി. ബുധനാഴ്ച രാവിലെ ബംഗളൂരു-കൊച്ചുവേളി എക്സ്പ്രസിൽ എത്തിയയാളുടെ ലഗേജിലാണ് പുകയില ഉൽപന്നങ്ങൾ കണ്ടെത്തിയത്. സംഭവത്തിൽ കണ്ണൂർ മുണ്ടല്ലൂർ ബാബോട് ഷാഫി മൻസിലിൽ മുഹമ്മദ് ഷാഫിയെ (35) അറസ്റ്റ് ചെയ്തു. ഇയാളുടെ കൈവശം ഉണ്ടായിരുന്ന ലഗേജിൽനിന്ന് 1805 പാക്കറ്റ് പുകയില ഉൽപന്നങ്ങളാണ് റെയിൽവേ പൊലീസ് കണ്ടെത്തിയത്. കോട്ടയത്ത് വിൽക്കാൻ ബംഗളൂരുവിൽനിന്ന് വാങ്ങി കൊണ്ടുവന്നതാണ്. റെയിൽവേ എസ്.ഐ ബിജു, ടി.ആർ. സന്തോഷ്, പ്രശാന്ത്, സജിത്ത്, ബാബുരാജ് എന്നിവരുടെ നേതൃത്വത്തിലാണ് പ്രതിയെ പിടികൂടിയത്. പ്രതിയെ ചേർത്തല കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.