ആറാട്ടുപുഴ: സ്കൂൾ പരിസരത്തുനിന്ന് കഞ്ചാവുമായി രണ്ട് വിദ്യാർഥികളെ കാർത്തികപ്പള്ളി എക്സൈസ് സംഘം പിടികൂടി. ചിങ്ങോലി സ്വദേശി രാഹുലും (19) പ്രായപൂർത്തിയാകാത്ത പത്തനംതിട്ട സ്വദേശിയുമാണ് പിടിയിലായത്. കാർത്തികപ്പള്ളിയിലെ സ്കൂൾ പരിസരത്തുനിന്നാണ് ഇരുവരും പിടിയിലായത്. രഹസ്യവിവരത്തെത്തുടർന്നാണ് പരിശോധന നടത്തിയത്. ഇവരിൽനിന്ന് 15 പൊതിയിൽ സൂക്ഷിച്ചിരുന്ന 60 ഗ്രാം കഞ്ചാവ് കണ്ടെടുത്തു. ചെന്നൈയിൽ ഹോട്ടൽ മാനേജ്മെൻറിന് പഠിക്കുന്ന ഇരുവരും അവിടെനിന്നാണ് കഞ്ചാവ് കൊണ്ടുവന്നതെന്ന് എക്സൈസ് അധികൃതർ പറഞ്ഞു. സ്കൂൾ, കോളജ് വിദ്യാർഥികൾക്ക് വിതരണം ചെയ്യാനായാണ് എത്തിച്ചതെന്ന് കരുതുന്നു. എക്സൈസ് ഇൻസ്പെക്ടർ എൻ. മഹേശൻ, പ്രിവൻറിവ് ഒാഫിസർ മുഹമ്മദ് സുധീർ, കെ. അംബികേശൻ, സി. സാലിച്ചൻ, വി.കെ. രാജേഷ് കുമാർ, സനൽ സിബിരാജ്, എം.ആർ. റെനീഷ് എന്നിവർ പരിശോധനസംഘത്തിൽ ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.