മൂവാറ്റുപുഴ: മഹാത്മാഗാന്ധി സർവകലാശാലയുടെ കഴിഞ്ഞ വർഷത്തെ ബിരുദ ഫലങ്ങൾ പുറത്തുവന്നപ്പോൾ നിർമല കോളജിന് തിളക്കമാർന്ന വിജയം. ബി.എ. ഹിന്ദി വിഭാഗത്തിൽ ഒന്നും രണ്ടും റാങ്കുകൾ ഉൾെപ്പടെ ആദ്യത്തെ 20 റാങ്കുകളിൽ 12 എണ്ണവും നിർമലയിലെ വിദ്യാർഥികൾ നേടി. ബി.എ. ഇക്കണോമിക്സ് വിഭാഗത്തിൽ ഒന്നാം റാങ്കും ബി.എസ്സി മാത്തമാറ്റിക്സ് വിഭാഗത്തിൽ മൂന്നാം റാങ്കും കെമിസ്ട്രി വിഭാഗത്തിൽ ഏഴാം റാങ്കും നിർമല കോളജിലേക്കെത്തി. വിവിധ പ്രോഗ്രാമുകളിലായി 65 വിദ്യാർഥികൾക്ക് എല്ലാ വിഷയങ്ങൾക്കും എ പ്ലസ് ലഭിച്ചു. മാത്തമാറ്റിക്സ് 25 , ബി.കോം 17, കെമിസ്ട്രി 8, ഫിസിക്സ് 7, ഹിന്ദി 3, ഇക്കണോമിക്സ് 3, സുവോളജി 1, ബോട്ടണി 1 എന്നിങ്ങനെയാണ് ഫുൾ എ പ്ലസ് നേടിയ വിദ്യാർഥികൾ. അധ്യാപകരെയും വിദ്യാർഥികളെയും മാനേജ്മെൻറും പ്രിൻസിപ്പലും അഭിനന്ദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.