അരൂർ: വിദ്യാഭ്യാസ വകുപ്പിന് കീഴിൽ ഹയർ സെക്കൻഡറി സ്കൂൾ വിദ്യാർഥികൾക്കായുള്ള തൊഴിൽ നൈപുണ്യ പരിശീലന പരിപാടി അസാപ് 'ലോക തൊഴിൽ നൈപുണ്യ ദിനം' ആഘോഷിച്ചു. ചന്തിരൂർ ഗവ. ഹയർ സെക്കൻഡറി സ്കൂളിൽ നടന്ന ചടങ്ങിൽ അരൂർ ഗ്രാമ പഞ്ചായത്ത് അംഗം ഇ.ഇ. ഇഷാദ്, അരൂർ പ്രസ് ക്ലബ് പ്രസിഡൻറ് ബി. അൻഷാദ് എന്നിവർ ചേർന്ന് ഉദ്ഘാടനം ചെയ്തു. പ്ലസ് വൺ വിദ്യാർഥികൾക്ക് പുതിയ അധ്യയന വർഷത്തേക്കുള്ള അസാപ് അഡ്മിഷൻ ജില്ലയിലെ എല്ലാ സ്കൂളുകളിലും ഇന്ന് തുടങ്ങും. അരൂർ ഗ്രാമ പഞ്ചായത്ത് അംഗവും ചന്തിരൂർ സ്കൂൾ പി.ടി.എ പ്രസിഡൻറുമായ ചന്ദ്രിക സുരേഷ് ചടങ്ങിൽ അധ്യക്ഷത വഹിച്ചു. തൊഴിൽ നൈപുണ്യ വികസന കേന്ദ്രം പ്രോഗ്രാം മാനേജർ പി.ജി. രാജേഷ് യുവജന തൊഴിൽ നൈപുണ്യദിന സന്ദേശം നൽകി. ചന്തിരൂർ ഹയർ സെക്കൻഡറി സ്കൂൾ പ്രിൻസിപ്പൽ എസ്.സുധ. നന്ദി പറഞ്ഞു. ആഘോഷങ്ങളുടെ ഭാഗമായി അസാപ് വിദ്യാർഥികൾക്കായി വിവിധ മത്സര വിജയികൾക്ക് സമ്മാനങ്ങൾ വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.