കോതമംഗലം: എം.കെ. രാമചന്ദ്രൻ വീണ്ടും സി.പി.ഐ കോതമംഗലം മണ്ഡലം സെക്രട്ടറി. ജില്ലയിൽ നിലവിെല സെക്രട്ടറിമാർ മാേറണ്ടതില്ല എന്ന തീരുമാനം രാമചന്ദ്രന് തുണയാവുകയായിരുന്നു. 21 അംഗ മണ്ഡലം കമ്മിറ്റിയെയും 33 അംഗ ജില്ലാസമ്മേളന പ്രതിനിധികളെയും െതരഞ്ഞെടുത്തു. സമ്മേളന റിപ്പോർട്ട് ചോർന്നത് രൂക്ഷവിമർശനത്തിന് വഴിതെളിച്ചു. സി.പി.ഐ മന്ത്രിമാരെ മോശക്കാരാക്കിയ സെക്രട്ടറിയുടെ റിപ്പോർട്ട് തെറ്റാണെന്ന് നെല്ലിക്കുഴി കമ്മിറ്റിയും ആൻറണി ജോൺ എം.എൽ.എക്കെതിരായ പരാമർശം അതിരുവിട്ടതെന്നും പ്രതിനിധികൾ വിയോജനക്കുറിപ്പ് രേഖപ്പെടുത്തി. മറുപടി പ്രസംഗത്തിൽ റിപ്പോർട്ടിനെ ന്യായീകരിക്കാൻ സെക്രട്ടറി നടത്തിയ ശ്രമം സംസ്ഥാന കമ്മിറ്റി അംഗം ഇ.കെ. ശിവൻ ഇടപെട്ട് തടഞ്ഞു. ജില്ല സെക്രട്ടറി പി.രാജു, സി.എസ്. നാരായണൻ നായർ, സീതി മുഹമ്മദ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.