ആലുവ: മക്കൾ സംരക്ഷിക്കുന്നില്ലെന്ന് ആരോപിച്ച് മനുഷ്യാവകാശ കമീഷനിൽ പരാതി. കോലഞ്ചേരി പഴന്തോട്ടം പെരിങ്ങാട്ട് വീട്ടിൽ പരേതനായ ജോണിെൻറ ഭാര്യ ആലീസാണ് പരാതിക്കാരി. ഇവരുടെ നാല് മക്കളിൽ മൂത്തവർ മൂന്നും പെൺമക്കളാണ്. ആൺകുട്ടി ശാരീരിക സുഖമില്ലാത്തയാളാണ്. മൂത്തമകളുടെ ഭർത്താവ് ആലീസിെൻറ വീട് പണയപ്പെടുത്തി സ്വകാര്യബാങ്കിൽ നിന്ന് 30 ലക്ഷം രൂപ വായ്പയെടുത്തശേഷം തിരിച്ചടച്ചില്ല. ബാങ്ക് ഇപ്പോൾ ജപ്തി നടപടി സ്വീകരിച്ചു. ഇതുസംബന്ധിച്ച് മൂവാറ്റുപുഴ ആർ.ഡി.ഒക്ക് പരാതി നൽകിയെങ്കിലും നടപടിയുണ്ടായില്ലെന്നും ആലീസ് പരാതിപ്പെട്ടു. പരാതി സ്വീകരിച്ച ആക്ടിങ് ചെയർമാൻ പി.മോഹനദാസ് ആർ.ഡി.ഒയോട് വിശദീകരണം തേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.