ആലപ്പുഴ: കെ.എസ്.ആർ.ടി.സി ബസ് ബൈക്കിന് പിന്നിലിടിച്ച് ബൈക്ക് യാത്രക്കാരായ ഒരു കുടുംബത്തിലെ മൂന്നുപേർക്ക് പരിക്കേറ്റു. തോണ്ടംകുളങ്ങര കൈയ്യാറ്റുപറമ്പ് ജ്യോതിരാജ്, ഭാര്യ ജൂബിയ, മകൻ മിലൻരാജ് എന്നിവർക്കാണ് പരിക്കേറ്റത്. ഇവരെ ആലപ്പുഴ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഞായറാഴ്ച ഉച്ചയോടെ തിരുവമ്പാടി ജങ്ഷന് സമീപമായിരുന്നു അപകടം. നിർത്തിയിട്ട ടാങ്കർ ലോറിക്ക് പിന്നിൽ ബൈക്ക് നിർത്തിയപ്പോൾ അതിന് പിന്നിൽ കെ.എസ്.ആർ.ടി.സി കായംകുളം ഫാസ്റ്റ് പാസഞ്ചർ ബസ് ഇടിക്കുകയായിരുന്നു. ഇടിയുടെ ആഘാതത്തിൽ ബൈക്കിലുണ്ടായിരുന്ന ജ്യോതിരാജും ഭാര്യ ജൂബിയയും മകൻ മിലൻരാജും റോഡിൽ തെറിച്ചുവീണു. ജ്യോതിരാജിെൻറ കൈക്കും കാലിനും പരിക്കേറ്റു. ജൂബിയയുടെ കൈക്കും കാലിനും ഒടിവ് സംഭവിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.