കൊച്ചി: സംസ്ഥാന സ്കൂൾ അത്ലറ്റിക് മീറ്റ് ആൻഡ് ഗെയിംസ് മാനുവലിൽ 'സ്പീഡ് ബാൾ' എന്ന ഇനം ഉൾപ്പെടുത്തണമെന്ന സംസ്ഥാന ബാലാവകാശ കമീഷൻ ഉത്തരവിന് ഹൈകോടതിയുടെ സ്റ്റേ. വിസ്മയ എന്ന കുട്ടിയുടെ പരാതിയിൽ കഴിഞ്ഞ ഡിസംബർ 19ന് കമീഷൻ പുറപ്പെടുവിച്ച ഉത്തരവാണ് ഒരു മാസത്തേക്ക് സ്റ്റേ ചെയ്തത്. കമീഷെൻറ അധികാരപരിധിയിൽ വരാത്ത വിഷയത്തിൽ ഉത്തരവിട്ട നടപടി പിൻവലിക്കണമെന്നാവശ്യപ്പെട്ട് പൊതുവിദ്യാഭ്യാസ ഡയറക്ടറാണ് കോടതിയെ സമീപിച്ചത്. ഹരജി തീർപ്പാകും വരെ ഉത്തരവ് സ്റ്റേ ചെയ്യണമെന്നായിരുന്നു ഇടക്കാല ആവശ്യം. സംസ്ഥാന സ്കൂൾ അത്ലറ്റിക് മീറ്റിൽ സ്പീഡ് ബാൾ എന്ന ഇനം ഉൾപ്പെടുത്തിയിട്ടില്ലെന്ന് ചൂണ്ടിക്കാട്ടിയായിരുന്നു വിസ്മയയുടെ പരാതി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.