കൊച്ചി: എറണാകുളം സൗത്ത്-നോർത്ത് റെയിൽവേ സ്റ്റേഷനുകളിൽ സതേൺ റെയിൽവേ ഓൺലൈൻ ടാക്സികൾക്ക് ടാക്സി ബേയും കിയോസ്ക്കുകളും അനുവദിച്ചതിൽ പ്രതിഷേധിച്ച് സൗത്ത് റെയിൽവേ സ്റ്റേഷന് മുന്നിൽ എറണാകുളം സംയുക്ത േട്രഡ് യൂനിയൻ സമിതിയുടെ നേതൃത്വത്തിൽ റിലേ നിരാഹാര സമരം ആരംഭിച്ചു. എറണാകുളം സൗത്ത് റെയിൽവേ സ്റ്റേഷനുമുന്നിൽ കൂടിയ റിലേ നിരാഹാര സമരം എറണാകുളം മോട്ടോർ കോഒാഡിനേഷൻ സമിതി കൺവീനർ കെ.എ. അലി അക്ബർ ഉദ്ഘാടനം ചെയ്തു. ഐ.എൻ.ടി.യു.സി ജില്ല സെക്രട്ടറിയും സംയുക്ത േട്രഡ് യൂനിയൻ സമരസമിതി ചെയർമാനുമായ സൈമൺ ഇടപ്പള്ളി അധ്യക്ഷത വഹിച്ചു. സംയുക്ത േട്രഡ് യൂനിയൻ സമിതി നേതാക്കളായ മധുസൂദനൻ, ബിനു വർഗീസ്, ഇ. പ്രദീപ് കുമാർ, അഭിലാഷ്, വൈക്കം നസീർ, പി.വി. ജോർജ്, കമലാസനൻ, സക്കീർ തമ്മനം, ബി.ജെ. ഫ്രാൻസിസ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.