കൂത്താട്ടുകുളം: പാലക്കുഴ പഞ്ചായത്തിൽ വെള്ളിയാഴ്ച നടന്ന അടിയന്തര കമ്മിറ്റി യു.ഡി.എഫ് അംഗങ്ങൾ ബഹിഷ്കരിച്ചു. 22,73,000 രൂപയുടെ ഒമ്പതോളം പ്രോജക്ടുകൾ പഞ്ചായത്ത് കമ്മിറ്റി, സ്റ്റാൻഡിങ് കമ്മിറ്റി എന്നിവരെ അറിയിക്കാതെ ഡി.പി.സിക്ക് അയച്ചതാണ് ബഹിഷ്കരണത്തിന് കാരണം. അംഗങ്ങളായ ടി.എൻ. സുനിൽ, ജയ്സൺ ജോർജ്, ശോഭന മുരളീധരൻ, ഡിൽഷ മണികണ്ഠൻ, മേഴ്സി ജോസ് എന്നിവർ പെങ്കടുത്തു. പഞ്ചായത്ത് കമ്മിറ്റിയിൽ ഇത് ചോദ്യം ചെയ്തപ്പോൾ ഇതൊക്കെ സാധാരണ കാര്യമാണെന്നാണ് പ്രസിഡൻറ് അറിയിച്ചതെന്ന് അംഗങ്ങൾ പറഞ്ഞു. കമ്മിറ്റി ബഹിഷ്കരിച്ച അംഗങ്ങൾക്ക് അടുത്ത വർഷം ഫണ്ട് ഇല്ലെന്ന് പ്രസിഡൻറ് പറഞ്ഞു. പദ്ധതികൾ അയക്കാൻ കൂട്ടുനിന്ന പഞ്ചായത്ത് സെക്രട്ടറിക്കെതിരെ ഡി.ഡി.പിക്കും പഞ്ചായത്ത് ഡയറക്ടർക്കും പരാതി നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.