തൃപ്പൂണിത്തുറ: 16കാരിയെ പീഡിപ്പിക്കാൻ ശ്രമിച്ച പരാതിയിൽ െപാലീസ് കേസെടുത്തു. തൃപ്പൂണിത്തുറ സ്വകാര്യബസ് സ്റ്റാൻഡിന് സമീപം സൈബർ സോൺ ഇൻഫോ വേൾഡ് എന്ന ഇൻറർനെറ്റ് കഫേയിൽ തിങ്കളാഴ്ച രാവിലെ 10.30നാണ് സംഭവം. പ്രവേശന പരീക്ഷ അപേക്ഷിക്കുന്നതിന് കഫേയിൽ എത്തിയപ്പോൾ നടത്തിപ്പുകാരൻ ലൈംഗികച്ചുവയോടെ സംസാരിക്കുകയും കൈയിൽ കയറിപ്പിടിക്കുകയും ചെയ്തെന്നാണ് കേസ്. തൃപ്പൂണിത്തുറ പൊലീസിൽ പരാതി നൽകിയതിനെത്തുടർന്ന് കഫേ നടത്തിപ്പുകാരനെതിരെ പോക്സോ നിയമപ്രകാരം കേസെടുത്ത് അന്വേഷണം ആരംഭിച്ചു. ഇയാൾ ഒളിവിലാണെന്ന് പൊലീസ് പറഞ്ഞു. പ്രമുഖ രാഷ്ട്രീയപാർട്ടി പ്രവർത്തകനായ പ്രതി ഉന്നതങ്ങളിൽ സ്വാധീനം ചെലുത്തി കേസ് ഒതുക്കാൻ ശ്രമിക്കുന്നതായും അറിയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.