കൊച്ചി: വ്യാജരേഖ ചമച്ച് അവധി ആനുകൂല്യം നേടിയ കേസ് റദ്ദാക്കാൻ മുൻ ഡി.ജി.പി ടി.പി. സെൻകുമാർ നൽകിയ ഹരജി പരിഗണിക്കുന്നതിൽനിന്ന് നിലവിലെ സിംഗിൾ ബെഞ്ച് പിന്മാറി. ബുധനാഴ്ച ഹരജി പരിഗണനക്കെത്തിയപ്പോഴാണ് ഇക്കാര്യം അറിയിച്ചത്. ഹരജി ഇനി മറ്റേതെങ്കിലും സിംഗിൾ ബെഞ്ചിെൻറ പരിഗണനക്കെത്തും. അവധിയിലായിരുന്ന എട്ടുമാസത്തെ ശമ്പളം ലഭിക്കാന് മെഡിക്കല് സര്ട്ടിഫിക്കറ്റുകളടക്കം വ്യാജമായി നിർമിച്ചെന്നാരോപിച്ച് തിരുവനന്തപുരം മ്യൂസിയം പൊലീസ് രജിസ്റ്റർ ചെയ്ത കേസ് റദ്ദാക്കണമെന്നാവശ്യപ്പെടുന്ന ഹരജിയാണ് കോടതിയുടെ പരിഗണനയിലുള്ളത്. തിരുവനന്തപുരം കോര്പറേഷൻ മുന് കൗണ്സിലര് എ.ജെ. സുക്കാര്ണോ നല്കിയ പരാതിയിലാണ് സെൻകുമാറിനെതിെര നടപടിയുണ്ടായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.