കാലടി: ശ്രീ ശങ്കരാചാര്യ സംസ്കൃത സർവകലാശാല യൂനിയനിൽ ഇനി വനിതകൾ മാത്രം. തെരഞ്ഞെടുപ്പിൽ മുഴുവൻ സീറ്റിലും എസ്.എഫ്.ഐ എതിരില്ലാതെ തെരഞ്ഞെടുക്കപ്പെട്ടു. മുഴുവൻ സീറ്റിലും വനിതകളായിരുന്നു എസ്.എഫ്.ഐ സ്ഥാനാർഥികൾ. സർവകലാശാല കാമ്പസ് തെരഞ്ഞെടുപ്പിലും മുഴുവൻ സീറ്റിലും പെൺകുട്ടികളെയാണ് എസ്.എഫ്.ഐ മത്സരിപ്പിച്ചത്. എം.ഫില് വിദ്യാർഥി കെ.എം. അഞ്ജന (കാലടി മുഖ്യകേന്ദ്രം) യാണ് ചെയർപേഴ്സൻ. എം.എ ഇംഗ്ലീഷ് വിദ്യാർഥി സിമി മട്ടുമ്മല് (തിരൂർ പ്രാദേശിക കേന്ദ്രം) വൈസ് ചെയർപേഴ്സനായും അമ്പിളി ശിവദാസ് (പയ്യന്നൂർ പ്രാദേശിക കേന്ദ്രം) ജനറൽ സെക്രട്ടറിയായും തെരഞ്ഞെടുക്കപ്പെട്ടു. കെ.ബി. പാർവതി, എം. ജിജി. (ജോ. സെക്രട്ടറി) റമീസ മജീദ്, ചിമ്മു ജയകുമാർ (എക്സിക്യൂട്ടിവ് കമ്മിറ്റി അംഗങ്ങൾ) എന്നിവരാണ് മറ്റുള്ളവർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.